பொல்லார்டின் அதிரடி ஆட்டத்தால் , கடைசி பந்தில் மும்பை இந்தியன்ஸ் திரில் வெற்றி பெற்றது .
நேற்று டெல்லியில் நடைபெற்ற , 27 வது லீக் போட்டியில், மும்பை இந்தியன்ஸ் – சென்னை சூப்பர் கிங்ஸ் அணிகள் மோதின . இதில் டாஸ் வென்ற மும்பை அணி , பீல்டிங்கை தேர்வு செய்ததால் , சிஎஸ்கே அணி முதலில் பேட்டிங்கில் களமிறங்கியது .தொடக்க வீரர்களாக ருதுராஜ் கெய்ட்வாட் – டு ப்ளசிஸ் களமிறங்கினர் .இதில் ருதுராஜ் 4 ரன்னில் வெளியேறினார். அடுத்ததாக மொயின் அலி – டு ப்ளசிஸ் பாட்னர்ஷிப் அதிரடி காட்டியது .இதில் மொயின் அலி 58 ரன்கள் எடுத்து ஆட்டமிழக்க , அடுத்ததாக டு ப்ளசிஸ் 50 ரன்கள் எடுத்து வெளியேறினார் .அடுத்ததாக களமிறங்கிய சுரேஷ் ரெய்னா 2 ரன்னில் ஆட்டமிழந்தார் . இறுதிவரை அட்டமிழக்காமல் அம்பத்தி ராயுடு – ஜடேஜா ஜோடி விளையாடியது .
இதில் சிறப்பாக அம்பத்தி ராயுடு , அதிரடி ஆட்டத்தை காட்டினார் . இவர் 27 பந்துகளில் 4 பவுண்டரி , 7 சிக்ஸர்களை அடித்து விளாசினார் . இறுதியில் அம்பத்தி ராயுடு 72 ரன்களும் ,ஜடேஜா 22 ரன்கள் எடுக்க , 20 ஓவர் முடிவில் சிஎஸ்கே அணி 4 விக்கெட் இழப்பிற்கு ,218 ரன்களை குவித்தது .அடுத்து களமிறங்கிய மும்பை அணி 219 ரன்களை வெற்றி இலக்காக கொண்டு விளையாடியது .தொடக்க வீரர்களாக ரோகித் சர்மா – டி காக் ஜோடி களமிறங்கினர். ரோகித் சர்மா 35 ரன்னில் ஆட்டமிழக்க , டி காக் 38 ரன்கள் எடுத்து வெளியேறினார். அடுத்ததாக களமிறங்கிய சூர்யகுமார் யாதவ் 3 ரன்னில் வெளியேற , மும்பை அணி 3 விக்கெட் இழந்து 81 ரன்களை குவித்து இருந்தது.
அடுத்ததாக குருணால் பாண்ட்யா , பொல்லார்டுடன் இணைந்தார். இதில் பொல்லார்டு தொடக்கத்திலிருந்தே வெறித்தனமான ஆட்டத்தை வெளிப்படுத்தினார். சிஎஸ்கே அணி பந்துகளை சிக்ஸர்களாகவும் , பவுண்டரிகளாகவும் அடித்து விளாசினார். இவர் 17 பந்துகளில் அரைசதம் அடிக்க, இந்த ஜோடி 49 பந்துகளில் 89 ரன்களை எடுத்திருந்தது. இதில் குருணால் பாண்ட்யா 32 ரன்கள் எடுத்து ஆட்டமிழந்தார். 19வது ஓவரில் பந்துவீசிய சாம் கர்ரன் 15 ரன்களை விட்டுக் கொடுத்து, 2 விக்கெட்டுகளை கைப்பற்றினார். இறுதியாக மும்பை அணி 20 ஓவர் முடிவில் 219 ரன்கள் எடுத்து வெற்றி பெற்றது. இதில் பொல்லார்ட் 87 ரன்களை குவித்தார்.