மெக்சிகோவில் கொரோனா பாதிப்படைந்த வர்களின் எண்ணிக்கை 5 லட்சத்தை எட்டியுள்ளது.
உலகம் முழுவதும் பரவிக் கொண்டிருக்கும் கொரோனா வைரஸால் பாதிப்படைந்தவர்களின் எண்ணிக்கை 2.12 கோடியை எட்டியுள்ளது. கொரோனாவால் தற்போது வரை 7.60 லட்சத்துக்கும் மேலானவர்கள் உயிரிழந்துள்ளனர். மேலும் 1.40 கோடிக்கும் அதிகமானவர்கள் கொரோனாவில் இருந்து குணமடைந்துள்ளனர். கொரோனாவால் அதிகம் பாதிப்படைந்த நாடுகளின் பட்டியலில் மெக்சிகோ தற்போது ஏழாவது இடத்தில் இருந்து வருகிறது.
இந்நிலையில் மெக்சிகோவில் கொரோனாவின் தாக்கம் நாளுக்கு நாள் அதிகரித்துக்கொண்டே இருப்பதால், பாதிக்கப்பட்டவர்களின் எண்ணிக்கை 5 லட்சத்தை கடந்துள்ளது. அதுமட்டுமன்றி உயிரிழந்தவர்களின் எண்ணிக்கையும் 5 ஆயிரத்தை எட்டியுள்ளது. மேலும் 3.41 லட்சத்துக்கும் மேலானோர் கொரோனாவில் இருந்து குணமடைந்துள்ளனர். அதே சமயத்தில் 1.08 லட்சத்திற்கும் அதிகமானோர் சிகிச்சை பெற்று வருவதாக அந்நாட்டு சுகாதாரத்துறை கூறியுள்ளது.