தென்னாப்பிரிக்காவில் காணாமல் போன 8 வயது சிறுமி ஷாப்பிங் மாலில் சடலமாக மீட்கப்பட்ட சம்பவம் அதிர்ச்சியை ஏற்படுத்தியுள்ளது.
தென் ஆப்பிரிக்காவின் கிழக்கு லண்டனில் சில நாட்களுக்கு முன்பு 8 வயதுடைய லிஹிலுமோ மிசினி என்ற சிறுமி காணாமல் போனதாக போலீசாருக்கு புகார் தெரிவிக்கப்பட்டது. அதன்பிறகு போலீசார் சிறுமியை தேடும் பணியில் தீவிரமாக இறங்கினார். இந்நிலையில், கடந்த செவ்வாய்க்கிழமை அன்று பிரபல ஷாப்பிங் மாலான ஹெமிங்வேஸ் என்ற மாலில் சிறுமியின் சடலம் கண்டெடுக்கப்பட்டுள்ளது அதிர்ச்சியை ஏற்படுத்தியுள்ளது.
சிறுமி காணாமல் போகும் போது அவர் தாய் அவருடன் இல்லை என்பதால் தாயின் அலட்சியப்போக்கு காரணமாக அவரை போலீசார் கைது செய்துள்ளனர். மேலும் விசாரணை செய்ததில் சிறுமி அடையாளம் தெரியாத ஒரு ஆண் நபரால் அழைத்துச் செல்லப்பட்டதாக தெரியவந்துள்ளது. போலீசார் இது குறித்து தீவிர விசாரணையில் ஈடுபட்டு வருகின்றனர்.