சென்னை வந்த பிரதமர் மோடிக்கு மேளதாளம் முழங்க உற்சாக வரவேற்பு அளிக்கப்பட்டது .
இன்றும் , நாளையும் சென்னையையடுத்த மாமல்லபுரத்தில் பிரதமர் மோடியும் , சீன அதிபர் ஜி ஜிங்பிங்_கும் சந்தித்து பேச்சவார்த்தை நடத்த உள்ளனர்.இதற்காக இரு தலைவர்களும் சென்னை விமான நிலையம் வர இருப்பதால் சென்னை விமான நிலையத்தில் 7 அடுக்கு பாதுகாப்பு போடப்பட்டுள்ளது . சென்னை முதல் மாமல்லபுரம் வரை 16, 000 போலிசார் பாதுகாப்பு பணியில் ஈடுபட்டு வருகின்றனர். இந்நிலையில் இந்திய விமானப்படைக்கு சொந்தமான விமானத்தில் பிரதமர் நரேந்திர மோடி விமான நிலையம் வந்தடைந்தார்.
அவருக்கு சென்னை விமனநிலையத்தில் தமிழக முதல்வர் எடப்பாடி பழனிசாமி , துணை முதல்வர் ஓ. பன்னீர் செல்வம் , சபாநாயகர் தனபால் , ஆளுநர் பன்வாரிலால் ப்ரோஹித் மற்றும் அமைச்சர்கள் உள்ளிட்ட அரசு அதிகாரிகள் மலர்க்கொத்து கொடுத்தும் , சால்வை அனுவித்தும் , புத்தகம் கொடுத்தும் வரவேற்றனர்.பிரதமருக்கு செண்டை மேளம் முழங்க உற்சாக வரவேற்பு வழங்கப்பட்டது.அங்கிருந்து ஹெலிகாப்டர் மூலம் மாமல்லபுரம் அருகே உள்ள கோவளம் கிளம்பினார் பிரதமர் மோடி. மாலையில் சீன அதிபரை சந்திக்கிறார்.