மூதாட்டியை தாக்கியவரை காவல்துறையினர் கைது செய்துள்ளனர்.
திருப்பூர் மாவட்டத்தில் உள்ள அறிவொளி நகர் பகுதியில் சாமாத்தாள் என்பவர் வசித்து வருகிறார். இவர் பனியன் கழிவு துணி பிரிக்கும் வேலை செய்து வருகிறார். இந்நிலையில் இந்நிலையில் சாமாத்தாள் கழிவு துணிகளை வீட்டிற்கு முன் காயப் போட்டிருந்தார். அப்போது அதே பகுதியில் வசிக்கும் ஆலிஸ் ராஜா என்பவர் அந்தத் துணிகளின் மீது மோட்டார் சைக்கிளில் சென்றுள்ளார்.
இதனைப் பார்த்த சாமாத்தாள் ஆலிஸ் ராஜாவிடம் துணியின் மீது செல்லாமல் அந்த பக்கம் தள்ளி வாகனத்தை ஓட்டிச் செல்லுங்கள் எனக் கூறியுள்ளார். இதில் இருவருக்கும் இடையே தகராறு ஏற்பட்டுள்ளது. இதில் ஆத்திரமடைந்த ஆலீஸ் ராஜா மூதாட்டியை அருகிலிருந்த மரக்கட்டையை எடுத்து தாக்கியுள்ளார். இதுகுறித்து மூதாட்டி பல்லடம் காவல் நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் ஆலிஸ் ராஜாவை கைது செய்து சிறையில் அடைத்தனர்.