மூதாட்டியை கொன்று 5 பவுன் நகையை திருடிச் சென்ற மர்மநபர்களை காவல்துறையினர் வலைவீசி தேடி வருகின்றனர்.
தூத்துக்குடி மாவட்டத்திலுள்ள குரும்பூர் பகுதியில் காசி என்பவர் வசித்து வந்துள்ளார். இவருக்கு நாகூராள் என்ற மனைவி இருந்துள்ளார். இவர் வீட்டில் தனியாக வசித்து வந்துள்ளார். இவருக்கு நாள்தோறும் அவரது பேரன் உணவு வாங்கிக் கொடுப்பது வழக்கம். இந்நிலையில் மூதாட்டி வழக்கம்போல் இரவு தூங்கச் சென்றுள்ளார். இதனையடுத்து மறுநாள் காலை மூதாட்டிக்கு உணவு வாங்கி கொடுப்பதற்காக அவரது பேரன் வீட்டிற்கு சென்றுள்ளார். அப்போது நாகூராள் ரத்த காயங்களுடன் பிணமாக கிடந்ததைப் பார்த்து அவரது பேரன் அதிர்ச்சி அடைந்துள்ளார். மேலும் நாகூராள் அணிந்திருந்த 5 பவுன் தங்க நகை திருடபட்டதும் தெரியவந்துள்ளது.
இது குறித்து மூதாட்டியின் பேரன் காவல் துறையினருக்கு தகவல் தெரிவித்துள்ளார். அந்த தகவலின் படி சம்பவ இடத்திற்கு விரைந்து சென்ற ஸ்ரீவைகுண்டம் காவல்துறையினர் நாகூராளின் உடலை உடனடியாக கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தினர். அந்த விசாரணையில் மர்ம கும்பலை சேர்ந்தவர்கள் நகைக்கு ஆசைப்பட்டு மூதாட்டியை அடித்து கொலை செய்தது தெரிய வந்துள்ளது. இதனைத் தொடர்ந்து காவல்துறையினர் மூதாட்டியை கொன்று நகையை கொள்ளையடித்து சென்ற மர்ம நபர்கள் குறித்து விசாரணை நடத்தி வருகின்றனர்.