கணவன் கண் எதிரே லாரி டயரில் சிக்கி மனைவி உயிரிழந்த சம்பவம் சோகத்தை ஏற்படுத்தியுள்ளது.
கன்னியாகுமரி மாவட்டத்திலுள்ள நடராஜபுரத்தில் அருணாச்சலம் மற்றும் கிருஷ்ணம்மாள் தம்பதியினர் வாழ்ந்து வந்தனர். இவர்களுக்கு திருமணமான மோகன செல்வி மற்றும் கீதா என்ற இரண்டு மகள்கள் இருக்கின்றனர். அருணாச்சலம் மற்றும் கிருஷ்ணம்மாள் கடற்கரையில் மீன் வாங்கி விற்பனை செய்யும் தொழிலை செய்து வந்துள்ளனர். இந்நிலையில் கணவன் மனைவி இருவரும் மொபட்டில் இலங்காமணி புறத்தில் போய் கொண்டிருக்கும் போது, எதிரே வந்த லாரி ஒன்று மொபட் மீது மோதியுள்ளது. இதனால் மொபைட்டிலிருந்து கீழே விழுந்த கிருஷ்ணம்மாள் மீது லாரியின் பின் சக்கரம் ஏறி சம்பவ இடத்திலேயே அவர் பரிதாபமாக உயிரிழந்துள்ளார்.
எனவே லாரி டிரைவர் வண்டியை நிறுத்திவிட்டு அங்கு இருந்து தப்பி ஓடியுள்ளார். இதனையடுத்து தன் கண்முன்னே தன் மனைவி இறந்ததை பார்த்து அருணாச்சலம் கதறி அழுதுள்ளார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து வந்து கிருஷ்ணம்மாள் சடலத்தை கைப்பற்றி பிரேத பரிசோதனைக்காக ஆசாரிபள்ளம் அரசு மருத்துவமனைக்கு அனுப்பி வைத்துள்ளனர். இச்சம்பவம் குறித்து காவல்துறையினர் விசாரித்தபோது தப்பிச் சென்ற லாரி டிரைவர் மயிலாடி பெருமாள்புரத்தைச் சேர்ந்தவர் என்பது தெரிய வந்துள்ளது. எனவே அவரை கைது செய்து விசாரணை மேற்கொண்டு வருகின்றனர்.