கொரோனா வைரஸ் தொற்றுக்கான தடுப்பூசி கண்டுபிடிப்புகளில் 200 க்கும் மேல் இருப்பதால் வெற்றி கிடைக்க அதிக வாய்ப்பு உள்ளது என WHO தெரிவித்துள்ளது.
ஜெனீவாவிலிருந்து உலக சுகாதார அமைப்பு ஏற்பாடு செய்துள்ள சமூக ஊடகத்தின் நேரடி நிகழ்ச்சியில், உலக சுகாதார அமைப்பின் தலைமை விஞ்ஞானி டாக்டர் சவுமியா சுவாமிநாதன் பங்கேற்று பேசினார். அதில், இயற்கை நோய் எதிர்ப்பு சக்தி ஒரு கட்டத்திற்கு வர நோய்த்தொற்றின் அதிக அலைகள் தேவைப்படும். ஆகையால், விஞ்ஞானிகள் தடுப்பூசி சோதனைகளில் பணியாற்றும் போது, கொரோனா வைரஸ் தொற்றை தக்க வைத்துக் கொள்ள முடிந்தவற்றை செய்ய, அடுத்த வருடம் அல்லது அதற்கு மேலாக, உலகம் “தயாராக” இருக்க வேண்டும் .
தற்போதுள்ள சிகிச்சை முறைகள் இறப்பு விகிதங்களை குறைப்பதற்கும், மக்கள் தங்கள் வாழ்க்கையைத் தொடரவும் உதவும். இந்த நோயெதிர்ப்பு சக்தியை பரப்ப 50 முதல் 60 சதவீதம் மக்கள் தேவை. நோய் எதிர்ப்பு சக்தியை ஒரு தடுப்பூசி மூலம் பெறுவது மிகவும் எளிதானது. மக்கள் நோயால் இறந்து போகாமல் இருக்க நாம் அதை விரைவாக அடைய முடியும். எனவே, இயற்கை தொற்றுநோய்களின் மூலம் மந்தை நோய் எதிர்ப்பு சக்தியை அடைவதற்கு, இவ்வாறு செய்வது மிகவும் நல்லது.
ஒரு குறிப்பிட்ட காலக்கட்டத்தில் மக்கள் இயற்கையான நோய் எதிர்ப்பு சக்தியை வளர்க்கத் தொடங்குவார்கள். பாதிக்கப்டும் நாடுகளில் பொதுவாக 5 முதல் 10 சதவீதம் மக்கள் வரை ஆன்டிபாடிகளை உருவாக்கியது ஆய்வுகள் மூலம் நமக்குத் தெரியும். சில இடங்களில் இது 20 சதவீதம் வரை அதிகமாக உள்ளது. இந்த நோய்த்தொற்றின் ஆன்டிபாடிகளை மக்கள் உருவாக்கப் போகிறார்கள், அவ்வாறு உருவாக்கிய மக்கள் சில காலம் நோயெதிர்ப்பு சக்தியுடன் இருப்பார்கள்.
மருத்துவ பரிசோதனைகள் வெற்றிகரமாக நடைமுறையில் இருந்தாலும், இந்த ஆண்டு இறுதிக்குள் நமக்கு கிடைக்கும் என்றாலும் நமக்கு இன்னும் நூற்றுக்கணக்கான பில்லியன் அளவுகள் தேவைப்படும். அதற்கு சிறிது நேரம் எடுக்கும். கொரோனா வைரஸ் தொற்றை புரிந்துகொள்வதில் விஞ்ஞானம் நகரும் அசாதாரண வேகத்தை எடுத்துக்காட்டும் வகையில் 200 க்கும் மேலான தடுப்பூசிகள் சோதனைகளின் பல்வேறு கட்டங்களில் இருக்கின்றன. தடுப்பூசியின் வளர்ச்சி என்பது பொதுவாக ஒரு நீண்ட காலம் மற்றும் அதிக உழைப்பு செயல்முறையாகும் … எங்களுக்கு அதிகமான தடுப்பூசிகள் போட்டியில் உள்ளதால் வெற்றிக்கு அதிக வாய்ப்புகள் உள்ளன” என்று அவர் தெரிவித்துள்ளார்.