சாலையை கடக்கும் போது மோட்டார் சைக்கிள் மோதி மூதாட்டி ஒருவர் பலியான சம்பவம் சோகத்தை ஏற்படுத்தியுள்ளது.
கள்ளக்குறிச்சி மாவட்டத்தில் உள்ள பாண்டூர் கிராமத்தில் ராமநாதன் என்பவர் வசித்து வருகிறார். இவருக்கு ஆண்டாள் என்ற மனைவி இருந்துள்ளார். இந்நிலையில் ஆண்டாள் கீரிமேடு சாலையைக் கடக்க முயற்சி செய்த போது அந்த வழியாக வந்த மோட்டார் சைக்கிள் அவர் மீது மோதியுள்ளது.
இந்த விபத்தில் படுகாயம் அடைந்த ஆண்டாளை அருகில் இருந்தவர்கள் மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அங்கு அளிக்கப்பட்ட சிகிச்சை பலனின்றி ஆண்டாள் பரிதாபமாக உயிரிழந்துள்ளார். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.