சாலையில் சென்று கொண்டிருந்த இருசக்கர வாகனம் நிலைதடுமாறி மாணவன் உயிரிழந்த சம்பவம் சோகத்தை ஏற்படுத்தியுள்ளது.
திருப்பத்தூர் மாவட்டத்தில் உள்ள மாதகடப்பா பகுதியில் திலீப்குமார் என்பவர் வசித்து வருகிறார். இவர் திருவண்ணாமலை மாவட்டம் சேத்துப்பட்டு பகுதியில் இருக்கும் பேக்கரி கடையில் வேலை பார்த்து வருகிறார். இந்நிலையில் திலீப்குமார் பொங்கல் விடுமுறையில் தனது சொந்த ஊருக்கு வந்துள்ளார்.
அப்போது தனது உறவினர் மகனான ஸ்ரீகாந்த் என்ற மாணவனுடன் திலீப்குமார் தனது இருசக்கர வாகனத்தில் சேத்துப்பட்டு பகுதி நோக்கி சென்றுள்ளார். இதனை அடுத்து பச்சகுப்பம் மேம்பாலத்தில் சென்று கொண்டிருந்த நிலையில் கட்டுப்பாட்டை இழந்த இருசக்கர வாகனம் பாலத்தின் தடுப்பு சுவரில் மோதியது. இந்த விபத்தில் ஸ்ரீகாந்த் சம்பவ இடத்திலேயே பரிதாபமாக உயிரிழந்துள்ளார்.
பின்னர் திலீப் குமார் படுகாயமடைந்துள்ளார். இது பற்றி தகவல் அறிந்த காவல்துறையினர் சம்பவ இடத்திற்கு விரைந்து சென்று ஸ்ரீகாந்தின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். இதனை தொடர்ந்து படுகாயமடைந்த திலீப்குமாரை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.