மோட்டார் சைக்கிள் மீது சரக்கு ஆட்டோ மோதிய விபத்தில் லாரி டிரைவர் உயிரிழந்த சம்பவம் சோகத்தை ஏற்படுத்தியுள்ளது.
தர்மபுரி மாவட்டத்திலுள்ள பையர் நத்தம் கிராமத்தில் பழனி என்பவர் வசித்து வருகின்றார். இவருக்கு புவியரசு என்ற மகன் இருந்தார். இவர் லாரி டிரைவராக இருந்தார். இதில் புவியரசு வீட்டிலிருந்து தனது மோட்டார் சைக்கிளில் பொம்மிடி நோக்கி சென்று கொண்டிருந்தார். அப்போது நடூரை அடுத்த தனியார் திருமண மண்டபம் எதிரில் பொம்மிடியில் இருந்து துறிஞ்சிபட்டி நோக்கி வந்த சரக்கு ஆட்டோ, புவியரசு சென்ற வந்த மோட்டார் சைக்கிள் மீது மோதியது.
இதனால் புவியரசு தலையில் பலத்த காயம் ஏற்பட்டு சம்பவ இடத்திலேயே பரிதாபமாக உயிரிழந்து விட்டார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று புவியரசின் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.