சாலையை கடக்கும்போது மோட்டார் சைக்கிள் மோதிய விபத்தில் வேன் டிரைவர் படுகாயம் அடைந்த சம்பவம் பரபரப்பை ஏற்படுத்தி உள்ளது.
கோயம்புத்தூர் மாவட்டத்திலுள்ள பொள்ளாச்சி பகுதியில் மணியப்பன் என்பவர் வசித்து வருகிறார். இவர் தனது வேனில் தூத்துக்குடி மாவட்டத்திலுள்ள முக்காணிக்கு சென்றுள்ளார். இந்நிலையில் வாழைத்தாரை ஏற்றுவதற்காக மணியப்பன் வேனை ஒரு ஓரமாக நிறுத்திவிட்டு டீ கடைக்கு சென்றுள்ளார்.
அப்போது சாலையை கடக்க முயற்சி செய்த மணியப்பன் மீது அவ்வழியாக வேகமாக சென்ற மோட்டார் சைக்கிள் மோதி விட்டது. இதனால் தூக்கி வீசப்பட்டு படுகாயமடைந்த அவரை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். மேலும் இதுகுறித்து வழக்குப்பதிவு செய்த காவல்துறையினர் கவிராஜ் என்பவரை கைது செய்து விசாரணை நடத்தி வருகின்றனர்.