மோட்டார் சைக்கிள் திருடியவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள நாங்குநேரி பகுதியில் மாசானம் என்பவர் வசித்து வருகிறார். இவர் தனது வீட்டின் முன்பு கடந்த 7-ஆம் தேதி மோட்டார் சைக்கிளை நிறுத்தியிருந்தார். அதன் பின் திரும்பி வந்து பார்க்கும்போது மோட்டார் சைக்கிள் காணாமல் போனதை மாசானம் கண்டு அதிர்ச்சியடைந்தார். இதுகுறித்து மாசானம் நாங்குநேரி காவல் நிலையத்தில் புகார் அளித்துள்ளார்.
அந்த புகாரின் பேரில் வழக்கு பதிவு செய்த காவல்துறையினர் விசாரணை நடத்தினர். அந்த விசாரணையில் மோட்டார் சைக்கிளை திருடியது களக்காடு பகுதியில் வசிக்கும் நெல்சன் ராஜா என்பது காவல்துறையினருக்கு தெரியவந்துள்ளது. இதனையடுத்து காவல்துறையினர் நெல்சன் ராஜாவை கைது செய்ததோடு அவரிடமிருந்த மோட்டார் சைக்கிளையும் பறிமுதல் செய்தனர்.