மோட்டார் சைக்கிளில் இருந்து கீழே விழுந்து பெண் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள களக்காடு பகுதியில் மாடசாமி என்பவர் வசித்து வருகிறார். இவர் இவர் கூலி வேலை செய்து வருகிறார். இவருக்கு சரஸ்வதி என்ற மனைவி உள்ளார். இந்நிலையில் திசையன்விளையில் நடந்த உறவினரின் திருமண விழாவில் பங்கேற்பதற்காக சரஸ்வதி தன்னுடைய மகனுடன் மோட்டார்சைக்கிளில் புறப்பட்டு சென்றுள்ளார். இதனையடுத்து பெருமாள் குளம் விளக்கு அருகில் சென்று கொண்டிருந்த போது எதிர்பாராதவிதமாக மோட்டார் சைக்கிளில் இருந்து சரஸ்வதி தவறி கீழே விழுந்துள்ளார்.
இதில் சரசுவதி பலத்த காயமடைந்தார். இதனைப் பார்த்த அருகிலுள்ளவார்கள் சரஸ்வதியை உடனடியாக மீட்டு நெல்லை அரசு மருத்துவமனையில் சிகிச்சைக்காக அனுமதித்தனர். ஆனால் அங்கு அளிக்கப்பட்ட சிகிச்சை பலனின்றி சரஸ்வதி பரிதாபமாக உயிரிழந்தார். மேலும் இதுகுறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.