மோட்டார் சைக்கிள் மீது பால் வேன் மோதிய விபத்தில் பூசாரி உயிரிழந்த சம்பவம் சோகத்தை ஏற்படுத்தியுள்ளது.
திருப்பூர் மாவட்டத்தில் உள்ள பனப்பாளையம் பகுதியில் பாலகிருஷ்ணசாமி என்பவர் வசித்து வருகிறார். இவருக்கு திவ்ய மணிகண்டன் என்ற மகன் இருந்துள்ளார். இவர் அதே பகுதியில் உள்ள மாரியம்மன் கோவிலில் பூசாரியாக வேலை பார்த்து வந்துள்ளார். இந்நிலையில் திவ்ய மணிகண்டன் பல்லடத்தில் இருந்து காரணம்பேட்டை நோக்கி மோட்டார் சைக்கிளில் சென்று கொண்டிருந்தார். அப்போது கோவை-திருச்சி மெயின் ரோட்டில் காளிவேலம்பட்டி பிரிவு அருகில் சென்று கொண்டிருந்த போது எதிரே வந்த கார் எதிர்பாராதவிதமாக மோட்டார் சைக்கிள் மீது மோதியது.
இதில் பலத்த காயமடைந்த திவ்ய மணிகண்டன் சம்பவ இடத்திலேயே பரிதாபமாக உயிரிழந்தார். இதனை பார்த்த அருகில் இருந்தவர்கள் இது குறித்து பல்லடம் காவல்துறையினருக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற காவல்துறையினர் திவ்ய மணிகண்டனின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் விசாரணை நடத்தி வருகின்றனர்.