2 மோட்டார் சைக்கிள்கள் மோதிக் கொண்ட விபத்தில் 2 பேர் உயிரிழந்த சம்பவம் சோகத்தை ஏற்படுத்தியுள்ளது.
ஈரோடு மாவட்டத்தில் உள்ள வேங்கியாம்பாளையம் பகுதியில் ஆறுமுகம் என்பவர் வசித்து வருகிறார். இவருக்கு கமலேஷ் என்ற மகன் இருந்துள்ளார். இவர் மோட்டார் சைக்கிளில் வீட்டிற்கு சென்று கொண்டிருந்தார். இதனையடுத்து நாமக்கல் மாவட்டத்தில் உள்ள சித்தாளந்தூர்பகுதியில் வசிக்கும் சக்திவேல் என்பவர் அவரது மனைவி சசிகலாவுடன் மோட்டார் சைக்கிளில் காகம் என்ற ஊருக்கு சென்று கொண்டிருந்தார். இந்நிலையில் 2 மோட்டார் சைக்கிளும் சாஸ்த்திரி நகர் அருகில் சென்று கொண்டிருந்த போது எதிர்பாராதவிதமாக நேருக்கு நேர் மோதிக்கொண்டன.
இந்த விபத்தில் மோட்டார் சைக்கிளில் இருந்து தூக்கி வீசப்பட்ட 3 பேரும் பலத்த காயமடைந்தனர். இதனை பார்த்த அருகிலிருந்தவர்கள் 3 பேரையும் மீட்டு ஈரோடு அரசு மருத்துமனையில் சிகிச்சைக்காக அனுமதித்தனர். அங்கு கமலேஷை பரிசோதனை செய்த மருத்துவர்கள் அவர் ஏற்கனவே இறந்து விட்டதாக தெரிவித்துளனர். அதன்பின் சக்திவேல், சசிகலா ஆகியோர் மேல் சிகிச்சைக்காக சேலம் அரசு மருத்துவமனைக்கு கொண்டு சென்றனர். அங்கு அளிக்கப்பட்ட சிகிச்சை பலனின்றி சக்திவேல் பரிதாபமாக உயிரிழந்தார். இதனை தொடர்ந்து சசிகலாவுக்கு சிகிச்சை அளிக்கப்பட்டு வருகிறது. மேலும் இது குறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றனர்.