மோட்டார் சைக்கிளில் இருந்து தவறி விழுந்தவர் உயிரிழந்த சம்பவம் சோகத்தை ஏற்படுத்தியுள்ளது.
திருப்பூர் மாவட்டத்தில் உள்ள மூலனூர் பகுதியில் தங்கவேல் என்பவர் வசித்து வருகிறார். இவர் பனங்காட்டுவில் இருந்து கிளாங்குண்டல் நோக்கி ஒட்டன்சத்திரம் சாலையில் மோட்டார் சைக்கிளில் சென்று கொண்டிருந்தார். அப்போது அங்குள்ள வளைவில் மோட்டார் சைக்கிளை திருப்ப முயன்ற போது எதிர்பாராதவிதமாக கீழே விழுந்தார்.
இதனைப் பார்த்த அருகில் இருந்தவர்கள் தங்கவேலை உடனடியாக மீட்டு தாராபுரம் அரசு மருத்துவமனைக்கு சிகிச்சைக்காக அனுப்பி வைத்தனர். ஆனால் தங்கவேலை பரிசோதனை செய்த மருத்துவர்கள் அவர் ஏற்கனவே இறந்ததாகத் தெரிவித்துள்ளனர் மேலும் இது குறித்து வழக்கு பதிவு செய்த மூலனூர் காவல்துறையினர் விசாரணை நடத்தி வருகின்றனர்.