மோட்டார் சைக்கிள் திருடிய வாலிபரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள தாளமுத்துநகர் பகுதியில் கருப்பசாமி என்பவர் வசித்து வருகிறார். இவருக்கு கனகராஜ் என்ற மகன் உள்ளார். இவர் கடந்த 16-ஆம் தேதி மோட்டார் சைக்கிளை தனது வீட்டின் முன்பு நிறுத்தியிருந்தார். இந்நிலையில் அந்த மோட்டார் சைக்கிளை மர்ம நபர் யாரோ திருடி சென்றது தெரியவந்துள்ளது. இதுகுறித்து கனகராஜ் தாளமுத்துநகர் காவல்நிலையத்தில் புகார் அளித்துள்ளார்.
அந்த புகாரின் பேரில் வழக்கு பதிவு செய்த காவல்துறையினர் விசாரணை நடத்தினர். அந்த விசாரணையில் மோட்டார் சைக்கிளை திருடியது தூத்துக்குடி திரேஸ்புரம் பகுதியில் வசிக்கும் பீர்முகமது என்பது காவல்துறையினருக்கு தெரியவந்துள்ளது. இதனைத் தொடர்ந்து காவல்துறையினர் பீர்முகம்மதுவை கைது செய்ததோடு அவரிடம் இந்த மோட்டார் சைக்கிளையும் பறிமுதல் செய்தனர்.