மயங்கி விழுந்த முதியவர் திடீரென உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள தேனீர்குளம் பகுதியில் வேசம் என்பவர் வசித்து வந்துள்ளார். இவர் நெல்லை சந்திப்பு கைலாசபுரம் பகுதியில் தாமிரபரணி ஆற்றில் குளிப்பதற்காக சென்றுள்ளார். அப்போது வேசம் திடீரென மயங்கி விழுந்து சம்பவ இடத்திலேயே பரிதாபமாக உயிரிழந்தார். இதனைப் பார்த்த அந்த வழியாக சென்றவர்கள் இதுகுறித்து சந்திப்பு காவல்துறையினருக்கு தகவல் தெரிவித்துள்ளனர்.
அந்த தகவலின் படி சம்பவ இடத்திற்கு விரைந்து சென்ற காவல்துறையினர் வேசத்தின் உடலை உடனடியாக மீட்டு நெல்லை அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் இது குறித்து வழக்கு பதிவு செய்த காவல்துறையினர் வேசம் எவ்வாறு இறந்தார் என்பது குறித்து தீவிர விசாரணை நடத்தி வருகின்றனர்.