ஐபிஎல். கிரிக்கெட் போட்டி நாளை (மார்ச்26) மும்பையில் தொடங்குகிறது. அதாவது மும்பையில் வான்கடே, பார்போர்ன் ஆகிய மைதானங்களில் வைத்து கிரிக்கெட் போட்டிகள் நடைபெற இருக்கின்றன. இந்நிலையில் மும்பையில் கிரிக்கெட் வீரர்கள் தங்கியுள்ள டிரிடென்ட் ஓட்டல், வான்கடே மைதானம் மற்றும் டிரிடென்ட் ஓட்டல்- வான்கடே மைதானம் இடையேயான சாலையை பயங்கரவாதிகள் உளவு பார்த்ததாக சமூக வலைதளங்களில் தகவல்கள் வெளியாகியது.
இதன் காரணமாக அங்கு நடைபெறவுள்ள ஐபிஎல் போட்டிகளுக்கு பயங்கரவாதம் மிரட்டல்உள்ளதாக தெரிவிக்கப்பட்டது. இத்தகவல்களை மும்பை காவல்துறையினர் மறுத்துள்ளனர். இது தொடர்பாக காவல்துறையினர் வெளியிட்டுள்ள செய்திக்குறிப்பில், மும்பையில் ஐபிஎல் போட்டிகளுக்கு பயங்கரவாத அச்சுறுத்தல் உள்ளதாக உளவுத்துறையிடம் இருந்து எத்தகவலும் வரவில்லை.
எனினும் போட்டிகள் நடைபெறவுள்ள வான்கடே, பார்போர்ன் மைதானத்திற்கும், வீரர்கள் மற்றும் ஊழியர்கள் தங்கும் ஓட்டல்களுக்கும் தேவையான பாதுகாப்பு ஏற்பாடுகள் செய்யப்படும் என்று அதில் கூறப்பட்டுள்ளது. அதனை தொடர்ந்து இது குறித்து மராட்டிய உள்துறை மந்திரி திலீப் வல்சே பாட்டீலும் விளக்கம் அளித்துள்ளார். அதாவது அவர் கூறியிருப்பதாவது, அங்கு நடைபெறும் ஐபிஎல் போட்டிகளுக்கு பயங்கரவாதம் மிரட்டல் வந்துள்ளதாக சமூகஊடகங்களில் செய்தி வெளியாகி இருப்பது அடிப்படை ஆதாரமற்றது என்று கூறினார்.