காரில் மணல் கடத்திய வரை காவல்துறையினர் கைது செய்து தீவிர விசாரணை மேற்கொண்டு வருகின்றனர்.
திருப்பத்தூர் மாவட்டத்தில் உள்ள ஆம்பூர் சுற்றுவட்டாரப் பகுதிகளில் அதிகளவு மணல் கடத்தி வருவதாக மாவட்ட போலீஸ் சூப்பிரண்டு சிபிசக்கரவர்த்திக்கு ரகசிய தகவல் கிடைத்துள்ளது. இதனையடுத்து போலீஸ் சூப்பிரண்டு உத்தரவின்படி, தனிப்படை காவல்துறையினர் பாலூர் பகுதியில் தீவிர ரோந்து பணியில் ஈடுபட்டுள்ளனர்.
அப்போது அவ்வழியாக வந்த ஒரு காரை காவல்துறையினர் நிறுத்தி சோதனை செய்ததில் மூட்டைகளில் மணல் கடத்தி வந்தது தெரியவந்துள்ளது. அதன்பின் காவல்துறையினர் கார் மற்றும் மணலை பறிமுதல் செய்து ஆம்பூர் தாலுகா காவல் நிலையத்தில் ஒப்படைத்தனர். மேலும் காரை ஓட்டி வந்த உடையராஜபாளையத்தை சேர்ந்த ராமச்சந்திரன் என்பவர் மீது காவல்துறையினர் வழக்கு பதிவு செய்து தீவிர விசாரணை மேற்கொண்டு வருகின்றனர்.