தமிழக முதலமைச்சர் குறித்து அவதூறு பரப்பும் வகையில் பேசிய நடிகர் எஸ்.வி சேகர் மீது புகார் வந்துள்ளதாகவும், சட்ட ஆலோசனை அறிக்கையின் அடிப்படையில் நடவடிக்கை எடுக்கப்படும் என்றும், சென்னை பெருநகர காவல் ஆணையர் திரு. மகேஷ்குமார் அகர்வால் தெரிவித்தார்.
சென்னை ராஜரத்தினம் மைதானத்தில் ஆயுதப்படை காவலர்கள் மற்றும் பொதுமக்களுக்கான ஆவின் பார்லரை காவல் ஆணையர் மகேஷ்குமார் அகர்வால் திறந்து வைத்தர். பின்னர் செய்தியாளரை சந்தித்த அவர் சுதந்திர தினத்தையொட்டி சென்னையில் 15 ஆயிரம் காவலர்கள் பாதுகாப்பு பணிகளில் ஈடுபட உள்ளதாகவும், விடுதிகள் மற்றும் வாகன சோதனை சாவடி அமைத்து தீவிரமாக கண்காணிப்பில் ஈடுபட போவதாகவும் தெரிவித்தார். முதல்வர் பற்றி அவதூறு பரப்பும் வகையில் பேசிய பாஜக நிர்வாகி எஸ்.வி சேகர் மீது புகார் வந்துள்ளதாகவும், சட்டப்படி நடவடிக்கை எடுக்கப்படும் என்றும் அவர் குறிப்பிட்டார்.