ஆடு மேய்க்க சென்ற முதியவர் கிணற்றில் தவறி விழுந்து உயிரிழந்த சம்பவம் சோகத்தை ஏற்படுத்தியுள்ளது.
திருப்பத்தூர் மாவட்டத்தில் உள்ள பாட்டியாத்தா பகுதியில் பெரிய தம்பி என்பவர் வசித்து வந்துள்ளார். இவர் தனக்கு சொந்தமான ஆடுகளை மேய்த்துக் கொண்டிருக்கும் போது அருகிலிருந்த கிணற்றில் தவறி விழுந்துள்ளார். இந்நிலையில் நீண்ட நேரமாகியும் பெரிய தம்பி வீட்டிற்கு வராத காரணத்தால் அவரின் குடும்பத்தினர் பல இடங்களில் அவரை தேடி பார்த்துள்ளனர். இதனையடுத்து அவர் கிணற்றில் தவறி விழுந்து இருக்கலாம் என சந்தேகத்தின் அடிப்படையில் தீயணைப்பு துறையினருக்கு தகவல் தெரிவித்துள்ளனர்.
அந்த தகவலின் பேரில் சம்பவ இடத்திற்கு விரைந்து சென்ற தீயணைப்பு வீரர்கள் மோட்டார் மூலம் தண்ணீரை வெளியேற்றிய நிலையில் பெரிய தம்பி கிணற்றில் விழுந்து உயிரிழந்து இருந்தது தெரியவந்துள்ளது. பின்னர் அவரது உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.