டாக்டர் மன்மோகன் சிங்குக்கு, காங்கிரஸ் எம்பி ராகுல் காந்தி தனது ட்விட்டரில் பிறந்தநாள் வாழ்த்துக்கள் தெரிவித்துள்ளார்.
முன்னாள் பிரதமரும், காங்கிரஸ் கட்சியை சேர்ந்தவருமான மன்மோகன் சிங் தனது 87-ஆவது பிறந்த நாளை இன்று கொண்டாடுகிறார். இவரது பிறந்தநாளை முன்னிட்டு நாடு முழுவதும் உள்ள காங்கிரஸ் கட்சியினர் மற்றும் தொண்டர்கள் உற்சாகமாக கொண்டாடி வருகின்றனர். இவரது பிறந்தநாளுக்கு மத்திய மற்றும் மாநில அரசியல் கட்சித் தலைவர்கள் உட்பட பல்வேறு தரப்பினர் வாழ்த்துக்களை தெரிவித்து வருகின்றனர்.
இந்நிலையில் காங்கிரஸ் எம்பி ராகுல் காந்தி தனது ட்விட்டரில் வாழ்த்துக்கள் தெரிவித்துள்ளார். அதில், அவரது பிறந்த நாளில், டாக்டர் மன்மோகன் சிங் ஜியின் தன்னலமற்ற சேவை, அர்ப்பணிப்பு மற்றும் தேசத்தைக் கட்டியெழுப்புவதற்கான நம்பமுடியாத பங்களிப்பை ஒப்புக்கொள்வோம். அவரது பிறந்தநாளில் அவருக்கு எனது வாழ்த்துக்கள். அடுத்த ஆண்டுகளில் அவரது நல்ல ஆரோக்கியத்துக்காகவும் மகிழ்ச்சிக்காகவும் பிரார்த்திக்கிறேன் என்று பதிவிட்டுள்ளார். அத்துடன் அவரது வாழ்க்கையின் முக்கிய நிகழ்வுகள் மற்றும் சாதனைகள் அடங்கிய, காங்கிரஸ் பதிவிட்ட வீடியோ ஒன்றையும் இணைத்து பதிவிட்டுள்ளார்.
On his birthday, let us acknowledge Dr Manmohan Singh Ji’s selfless service, dedication & incredible contribution to the cause of nation building.
My best wishes to him on his birthday. I pray for his good health and happiness in the years to come. #HappyBirthdayDrSingh https://t.co/JYvnBfMih9
— Rahul Gandhi (@RahulGandhi) September 26, 2019