தமிழ் சினிமாவில் உச்ச நட்சத்திரங்களாக ஜொலிப்பவர்கள் நடிகர் விஜய் மற்றும் அஜித். நடிகர் விஜய் நடித்து வரும் வாரிசு திரைப்படம் மற்றும் அஜித்தின் துணிவு திரைப்படங்கள் பொங்கல் பண்டிகையை முன்னிட்டு அடுத்த வருடம் ரிலீஸ் ஆகிறது. இரு படங்களும் ஒரே நாளில் ரிலீஸ் ஆவதால் அஜித் மற்றும் விஜய் ரசிகர்கள் பல்வேறு விதமாக தற்போது இருந்தே மோதிக் கொள்கிறார்கள்.
இந்நிலையில் பிரபல நடிகர் மகத் ஒரு ஷாக்கிங் செய்தியை கூறியுள்ளார். அதாவது துணிவு திரைப்படம் தான் பொங்கலன்று ரிலீஸ் ஆவதாகவும், வாரிசு திரைப்படம் துணிவு ரிலீஸ் ஆகி 4 நாட்களுக்கு பிறகு தான் ரிலீஸ் ஆகும் என்று கூறியுள்ளார். இந்த தகவல் தற்போது ரசிகர்கள் மத்தியில் அதிர்ச்சியை ஏற்படுத்தியுள்ளது. மேலும் வாரிசு மற்றும் துணிவு ஒரே நாளில் ரிலீஸ் ஆகிறதா அல்லது தேதியில் மாற்றம் வருமா என்பதை பொறுத்திருந்துதான் பார்க்க வேண்டும்.