நாங்கள் நினைவுகளை உருவாக்கிக் கொண்டிருந்தோம் – யுவன் சங்கர் ராஜா..!!

மறைந்த பாடலாசிரியர் நா.முத்துக்குமாரின் பிறந்த நாளன்று யுவன் டுவீட்டரில் தனது வாழ்த்தை உருக்கமாக பதிவிட்டுள்ளார்.

தமிழ் திரைவுலக பாடலாசிரியர்களில் தனக்கென்று தனி இடம் பிடித்தவர் நா.முத்துக்குமார். பாலுமகேந்திராவிடம் உதவியாளராகப் பணிபுரிந்த அவர், சீமான் இயக்கிய “வீரநடை” படத்தின் மூலம் தமிழ்த் திரையுலகிற்கு பாடலாசிரியராக அறிமுகமானார். அதன் பின் காதல் கொண்டேன், பிதாமகன், கில்லி, கஜினி, நந்தா, புதுப்பேட்டை, காதல், சந்திரமுகி, சிவாஜி, கற்றது தமிழ், 7 ஜி ரெயின்போ காலனி, காக்கா முட்டை, தெறி போன்ற பல படங்களில் இவர் எழுதிய பாடலகள் மிகுந்த வரவேற்பைப் பெற்றுள்ளவை . மேலும் யுவன் மற்றும் நா.முத்துக்குமார் இவர்களின் கூட்டணி என்பது ரசிகர்களுக்கு இடையில் மிகவும் பிரபலமான கூட்டணி.

நான்கு வருடங்களுக்கு முன்பு காற்றில் கரைந்து சென்ற  பாடலாசிரியர் நா.முத்துக்குமாரின் 45-வது பிறந்த தினம் இன்று! நா.முத்துக்குமார் பிறந்த தினத்தை முன்னிட்டு இசையமைப்பாளர் யுவன் சங்கர் ராஜா தனது ட்விட்டர் பக்கத்தில் இவ்வாறு கூறியிருந்தார் : “நாங்கள் நினைவுகளை உருவாக்கிக் கொண்டிருந்தோம் என்று அப்போது உணரவில்லை. வெறும் பாடல்களை மட்டுமே உருவாக்குவதாக நாங்கள் நம்பிக் கொண்டிருந்தோம். இனிய பிறந்தநாள் வாழ்த்துக்கள்” என யுவன் பதிவிட்டிருந்தார்.