நாய்களை நாட்டு துப்பாக்கியால் சுட்டு கொலை செய்த 2 பேரை காவல்துறையினர் கைது செய்துள்ளனர்.
விழுப்புரம் மாவட்டத்தில் உள்ள சாலாமேடு பகுதியில் சுற்றித்திரிந்த 2 நாய்களை ஒருவர் நாட்டுத் துப்பாக்கியால் சுட்டுக் கொலை செய்துள்ளார். அதன்பிறகு அந்த நாய்களை அவர் மோட்டார் சைக்கிளில் கொண்டு சென்றதை பார்த்த பொதுமக்கள் அதிர்ச்சி அடைந்து காவல்துறையினருக்கு தகவல் தெரிவித்துள்ளனர். இதனையடுத்து காவல்துறையினர் நடத்திய விசாரணையில் அந்த நபர் ஆற்காடு நகரில் வசிக்கும் கனகராஜ் என்பது தெரியவந்துள்ளது.
மேலும் இவர் வளர்த்து வந்த கோழிகளை தெருவில் சுற்றி திரியும் நாய்கள் கடித்ததால் கோபத்தில் கனகராஜ் நரிக்குறவரான ராஜ்குமார் என்பவரிடமிருந்து நாட்டு துப்பாக்கிகளை வாங்கியுள்ளார். அதன் பின் கனகராஜ் நாய்களை சுட்டு கொலை செய்துள்ளார். இதனையடுத்து கனகராஜ் மற்றும் ராஜ்குமார் ஆகிய இருவரையும் காவல்துறையினர் கைது செய்துள்ளனர். மேலும் இதுகுறித்து வழக்கு பதிந்த காவல்துறையினர் அவரிடம் இருந்த நாட்டு துப்பாக்கியை பறிமுதல் செய்து விசாரணை மேற்கொண்டு வருகின்றனர்.