நடந்து சென்ற பெண்ணிடம் தங்கச் சங்கிலியை பறித்து சென்ற மர்ம நபர்களை காவல்துறையினர் வலைவீசி தேடி வருகின்றனர்.
மதுரை மாவட்டத்திலுள்ள புதூர் ஜி.ஆர்.நகர் பகுதியில் சந்திரகலா என்பவர் தனது குடும்பத்துடன் வசித்து வருகின்றார். இவர் தனது வீட்டின் பக்கத்தில் உள்ள இடத்தில் தினமும் நடைபயிற்சி மேற்கொள்வது வழக்கம். இந்நிலையில் சந்திரகலா அப்பகுதியில் நட பயிற்சிக்காக சென்றுள்ளார். அப்போது அவ்வழியாக 2 மர்ம நபர்கள் மோட்டார் சைக்கிளில் சென்று திடீரென சந்திரகலா அணிந்திருந்த 3 பவுன் தங்கச்சங்கிலியை பறிப்பதற்கு முயற்சி செய்துள்ளனர்.
இதனை அறிந்த சந்திரகலா அலறி சத்தம் போட்டுள்ளார். அந்த அலறல் சத்தத்தை கேட்டு அருகில் இருந்தவர்கள் விரைந்து செல்வதற்குள் அந்த மர்ம நபர்கள் அவரின் கழுத்திலிருந்த 3 பவுன் தங்கச் சங்கிலியை பறித்துக் கொண்டு அங்கிருந்து தப்பிச் சென்று விட்டனர். இதனால் அதிர்ச்சி அடைந்த சந்திரகலா உடனடியாக காவல் நிலையத்தில் புகார் கொடுத்துள்ளார். அந்த புகாரின் படி வழக்கு பதிவு செய்து காவல் துறையினர் பெண்ணிடம் 3 பவுன் தங்கச் சங்கிலியை பறித்துக் கொண்டு தப்பிச் சென்ற மர்ம நபர்களை வலை வீசி தேடி வருகின்றனர்.