நடிகர் அஜித்தின் வலிமை படத்தில் பைக் ரேஸராக பிரபல பாலிவுட் நடிகர் நடிக்க இருப்பதாக தகவல் வெளியாகியுள்ளது .
தமிழ் திரையுலகில் நட்சத்திர நாயகனாக வலம் வரும் அஜித் நடிப்பில் வலிமை திரைப்படம் தயாராகி வருகிறது . இயக்குனர் ஹெச் வினோத் இயக்கும் இந்தப் படத்தை போனி கபூர் தயாரிக்கிறார் . தற்போது இந்த படத்தின் படப்பிடிப்பு மிகவும் விறுவிறுப்பாக நடைபெற்று வருகிறது. இந்தப் படத்தின் முக்கியமான பைக் ரேஸ் காட்சி சுவிட்சர்லாந்தில் படமாக்க திட்டமிடப்பட்டிருந்தது. ஆனால் கொரோனா பரவல் காரணமாக இந்த படப்பிடிப்பில் மாற்றம் ஏற்பட்டு அந்த காட்சிகளில் இந்தியாவிலேயே படமாக்க இருப்பதாக தெரிவிக்கப்பட்டது.
இந்நிலையில் இந்த படத்தில் பிரபல பாலிவுட் நடிகர் ஜான் ஆபிரகாம் நடிக்க இருப்பதாக தகவல் வெளியாகியுள்ளது. அவர் வலிமை படத்தில் பைக் ரேஸராக நடிக்க உள்ளதாக கூறப்படுகிறது . மேலும் வலிமை படத்தின் அடுத்தகட்ட படப்பிடிப்பு குஜராத், ராஜஸ்தான் உள்ளிட்ட வட மாநிலங்களில் நடைபெற உள்ளது . இதனால் இன்னும் ஓரிரு மாதங்களில் வலிமை படப்பிடிப்பு நிறைவடையும் என எதிர்பார்க்கப்படுகிறது.