நடிகர் சிவகார்த்திகேயனின் ‘டாக்டர்’ படத்தின் ரிலீஸ் தேதி அறிவிக்கப்பட்டுள்ளது .
தமிழ் திரையுலகில் நட்சத்திர நாயகனாக வலம் வரும் சிவகார்த்திகேயன் நடிப்பில் தயாராகியுள்ள திரைப்படம் ‘டாக்டர்’ . இந்த படத்தை கோலமாவு கோகிலா படத்தை இயக்கிய நெல்சன் திலிப்குமர் இயக்கியுள்ளார் . இந்தப்படத்தில் பிரியங்கா மோகன் கதாநாயகியாக நடித்துள்ளார் . மேலும் இந்த படத்தில் வினை , யோகி பாபு உள்ளிட்ட பலர் முக்கிய கதாபாத்திரத்தில் நடித்துள்ளனர் . இந்த படத்திற்கு அனிருத் இசையமைத்துள்ளார் . இந்தப் படத்தை கே.ஜே.ஆர் ஸ்டுடியோஸ் நிறுவனத்துடன் இணைந்து சிவகார்த்திகேயனின் எஸ்.கே புரெடக்ஷன் நிறுவனமும் தயாரித்துள்ளது .
#DOCTORfromMarch26 👍😊 pic.twitter.com/ot1PHocA2K
— Sivakarthikeyan (@Siva_Kartikeyan) February 3, 2021
டாக்டர் படத்தின் படப்பிடிப்புகள் நிறைவடைந்து தற்போது இறுதிகட்ட பணிகள் விறுவிறுப்பாக நடைபெற்று வருகிறது . இந்நிலையில் ‘டாக்டர்’ படத்தின் ரிலீஸ் தேதி குறித்த அறிவிப்பை நடிகர் சிவகார்த்திகேயன் வெளியிட்டுள்ளார் . அதில் வருகிற மார்ச் 26ஆம் தேதி டாக்டர் திரைப்படம் திரையரங்குகளில் வெளியாகும் என அறிவிக்கப்பட்டுள்ளது . இதனால் ரசிகர்கள் மிகுந்த உற்சாகத்தில் உள்ளனர்.