தமிழ் திரையுலகில் வளர்ந்து வரும் நடிகைகளில் ஒருவரான மகிமா நம்பியார், இன்சோம்னியா நோயால் அவதிப்பட்டு வருகிறார்.
மகிமா நம்பியார் சாட்டை படத்தில் அறிமுகமாகி, குற்றம் 23 படத்தில் கதாநாயகியாக நடித்து பிரபலமானார். தமிழில் புரியாத புதிர், கொடிவீரன், அண்ணனுக்கு ஜே, மகாமுனி, போன்ற படங்களிள் நடித்தது மட்டுமின்றி மலையாள மொழியிலும் நடித்து உள்ளார். தற்போது ஊரடங்கு காரணமாக வீட்டிற்குள்ளே அடைந்து இருக்கிறார். அதனால் அவர் பொழுது போக்கிற்காக ஓவியங்கள் வரைந்து வருவதாக சமீபத்தில் கூறியிருந்தார்.
இந்த நிலையில் அவர் இன்சோம்னியா நோயால் அவதிப்பட்டு வருவதாகவும் தெரிவித்திருந்தார். இந்த நோய் என்பது ஒருவகை தூக்கமின்மை வியாதி ஆகும். இந்நோயில் இருந்து மீள்வதற்கு 6 விதமான முக்கிய யோகாசனங்களை தனது இன்ஸ்டாகிராம் பக்கத்தில் அவர் பகிர்ந்துள்ளார். இந்த யோகாசனங்கள் எனக்கு மிகவும் பயன் உள்ளதாக இருக்கிறது என்றும் அவர் தெரிவித்திருந்தார்.