முன்னணி நடிகையான திரிஷாவிற்கு நடிகை மீரா மிதுன் ட்விட்டரில் எச்சரிக்கை விடுத்துள்ளார்.
தானா சேர்ந்த கூட்டம் உள்ளிட்ட படங்களில் நடித்து பிக்பாஸ் நிகழ்ச்சியில் மூலம் பிரபலமானவர் மீரா மிதுன். ட்விட்டரில் அடிக்கடி சர்ச்சைகளை ஏற்படுத்தும் பதிவுகளை வெளியிட்டுவரும் இவர் தற்போது நடிகை த்ரிஷாவை வம்புக்கு இழுத்துள்ளார். இது தொடர்பாக அவரது ட்விட்டர் பதிவில் இதுதான் கடைசி வார்னிங் என த்ரிஷாவின் பெயரை குறிப்பிட்டு எச்சரிக்கை விடுத்துள்ளார்.
அதில் அவர் கூறியதாவது: “இனி என்னைப்போன்ற ஹேர்ஸ்டைல் மற்றும் என்னை போன்ற தோற்றம் என மார்பிங் செய்து புகைப்படங்கள் எடுப்பதை பார்த்தால் கடுமையான நடவடிக்கை எடுக்கப்படும்” என எச்சரித்துள்ளார். இதை பார்த்த த்ரிஷாவின் ரசிகர்கள் மனிதனுக்கு எதிராக பல்வேறு கருத்துக்களை பதிவு செய்து வருகின்றனர்.