தூங்கிக் கொண்டிருந்த பெண்ணிடம் 5 பவுன் தங்க சங்கிலியை திருடிச் சென்ற மர்மநபரை காவல்துறையினர் வலைவீசி தேடி வருகின்றனர்.
திருவண்ணாமலை மாவட்டத்தில் உள்ள ஆவியம்தாங்கல் கிராமத்தில் சக்கரவர்த்தி என்பவர் வசித்து வருகிறார். இவருக்கு சிந்து என்ற மனைவி உள்ளார். இவர் வீட்டில் உள்ள திண்ணையில் படுத்து தூங்கி கொண்டிருந்தார். அப்போது அங்கு வந்த மர்ம நபர் சிந்துவின் கழுத்தில் அணிந்திருந்த 5 பவுன் தங்க சங்கிலியை நைஸாக திருடியுள்ளார்.
இதனையடுத்து திடீரென விழித்து பார்த்த சிந்து ‘திருடன் திருடன்’ என கூச்சலிட்டுள்ளார். அந்த சத்தம் கேட்டு அக்கம் பக்கத்தினர் ஓடிவந்து பார்ப்பதற்குள் அங்கு வந்த மர்ம நபர் தங்க சங்கிலியுடன் அங்கிருந்து தப்பி சென்று விட்டார். இதுகுறித்து சிந்து பெரணமல்லூர் காவல்நிலையத்தில் புகார் அளித்துள்ளார். அந்த புகாரின் பேரில் வழக்கு பதிவு செய்த காவல்துறையினர் 5 பவுன் தங்க சங்கிலியை திருடிச் சென்ற மர்மநபரை வலைவீசி தேடி வருகின்றனர்.