நண்பர்கள் தினத்தை முன்னிட்டு தளபதி விஜய் தனது நண்பர்களுடன் வீடியோ கால் பேசிய புகைப்படம் வைரலாகி வருகிறது.
தளபதி விஜய் மாஸ்டர் படத்தின் இசை வெளியீட்டு விழாவிற்கு பின் கொரோனாஅச்சுறுத்தலின் காரணமாக வெளியே செல்லாமல் வீட்டிலேயே இருக்கிறார். கொரோனா ஊரடங்கு சமயத்தில் வீடியோ கால் வழியாக மாஸ்டர் படக்குழுவினருடன் பேசிய புகைப்படம் இணையதளத்தில் வைரலாக பரவியது. ஆகஸ்ட் மாதத்தின் முதல் ஞாயிற்றுக்கிழமை நண்பர்கள் தினமாக கொண்டாடப்படுகிறது.
நேற்று பலரும் சமூக வலைதளங்களில் நண்பர்கள் தின வாழ்த்துக்களை தெரிவித்து வந்தனர். அச்சமயம் தனது நெருங்கிய நண்பர்களுடன் வீடியோ காலில் விஜய் பேசியுள்ளார். இந்த புகைப்படம் இணையதளத்தில் வெளியாகி வைரலாகி வருகிறது. சஞ்சீவ் தனது ட்விட்டர் பதிவில் இந்த புகைப்படத்தை வெளியிட்டுள்ளார். இதைத்தொடர்ந்து விஜய் ரசிகர்கள் பலரும் இதை ஷேர் செய்து வைரலாக்கி வருகின்றனர்.