இயக்குனர் அசோக் வீரப்பன் இயக்கத்தில் “வைபவ்” நடித்த “பபூன்” திரைப்படத்தின் புதிய அப்டேட் வெளியாகியுள்ளது.
மேயாதமான், ஈசன், மங்காத்தா மற்றும் கோவா போன்ற திரைப்படங்களில் நடித்து பிரபலமானவர் தான் நடிகர் வைபவ். இவர் அறிமுக இயக்குனர் அசோக் வீரப்பன் இயக்கத்தில் “பபூன்” திரைப்படத்தில் நடித்துள்ளார். இந்த படத்தில் வைபவ்வுக்கு ஜோடியாக “நட்பே துணை” நாயகி அனகா நடித்துள்ளார். மேலும் இந்த திரைப்படத்தில் ஜோஜு ஜார்ஜ், அந்தக்குடி இளையராஜா, நரேன், மூனர் ரமேஷ், தமிழ், ஆடுகளம் மற்றும் ஜெயபாலன் உள்ளிட்ட பலர் முக்கிய கதாபாத்திரத்தில் நடித்திருக்கின்றனர்.
இதனை அடுத்து சந்தோஷ் நாராயணன் இசையமைத்துள்ள இத்திரைபபடத்தை கார்த்திக் சுப்பராஜ் தயாரித்துள்ளார். சமீபத்தில் திரையரங்குகளில் வெளியான இப்படம் கலவையாம விமர்சனங்களை பெற்றது.
இந்நிலையில் இந்த திரைப்படத்தின் ரிலீஸ் தேதி குறித்த அறிவிப்பு வெளியாகியுள்ளது. அதன் அடிப்படையில் “பபூன்” திரைப்படம் அக்டோபர் மாதம் 14-ஆம் தேதி நெட்ஃப்ளிக்ஸ் ஓடிடி தளத்தில் வெளியாகவுள்ளது. இதனை தொடர்ந்து நெட்ஃப்ளிக்ஸ் நிறுவனம் போஸ்டர் ஒன்றை வெளியிட்டு அறிவித்துள்ளது என்பது குறிப்பிடத்தக்கது.