நடிகர் பரத்தின் 50-வது “லவ்” திரைப்படத்தின் படப்பிடிப்பு சமீபத்தில் நிறைவடைந்துள்ளது.
தமிழ் சினிமாவின் முன்னணி நடிகர்களில் ஒருவரான நடிகர் பரத். செல்லமே, காதல், ஸ்பைடர், வெயில், பாய்ஸ் மற்றும் நேபாளி போன்ற படங்களின் மூலம் தனக்கென ஒரு இடத்தைப் பிடித்துள்ளார். இவர் தனது யதார்த்தமான நடிப்பின் மூலம் ரசிகர்களை கவர்ந்துள்ளார். இவர் நடிப்பில் தற்போது “மிரள்” என்ற திரைப்படம் வெளியாகி ரசிகர்கள் மத்தியில் டிஃபரண்டான விமர்சனங்களை பெற்று வருகின்றது. தற்போது நடிகர் பரத் தனது 50-வது படமாக லவ் என்ற திரைப்படத்தில் நடித்துள்ளார். இந்தப் படத்திற்கு ஹீரோயினியாக வாணி போஜன் நடித்துள்ளார். இதனைத் தொடர்ந்து நடிகர் பரத்துடன் இணைந்து விவேக் பிரசன்னா, மற்றும் பிக் பாஸ் புகழ் டேனி ஆகியோர் முக்கிய கதாபாத்திரத்தில் நடித்துள்ளனர்.
இந்த “லவ்” திரைப்படத்தின் படப்பிடிப்பு சமீபத்தில் நிறைவடைந்துள்ளது. இந்த திரைப்படம் திரில்லர் கதை அம்சம் கொண்டதாகும். இந்த படத்திற்கு இசையமைப்பாளர் ரோனி ரபேல் இசையமைத்துள்ளார். இந்தப் படத்தை மரைக்காயர், லுசிபர் மற்றும் குரூப் போன்ற பல படங்களுக்கு தமிழில் வசனங்கள் மற்றும் பாடல்களை எழுதிய ஆர். பி. பாலா இயக்குகின்றார். மேலும் இந்த படத்தை ஆர்.பி.பிலிம்ஸ் தயாரிக்கின்றனர். இந்நிலையில் இப்படத்தில் டீசர் வெளியாகியுள்ளது. இந்த “லவ்” திரைப்படத்தின் டீசரை நடிகர் ஆர்யா தனது சமூக வலைத்தள பக்கத்தில் வெளியிட்டுள்ளார். இந்த டீசர் சமூக வலைதளத்தில் வைரலாகி ரசிகர்களின் கவனத்தை ஈர்த்து வருகிறது என்பது குறிப்பிடத்தக்கது.