தேசிய ஒற்றுமை தினம் அக்டோபர் 31 ஆம் தேதி நாடு முழுவதும் கொண்டாடப்படுகிறது. இந்த நாள் இந்தியாவின் இரும்பு மனிதர் சர்தார் வல்லபாய் பட்டேல் அவர்களின் பிறந்தநாள் ஆகும். இந்த தினத்தையே நாம் தேசிய ஒற்றுமை தினமாக கடைபிடித்து வருகின்றோம். இந்த நாளின் போது பள்ளி கல்லூரிகளில் கலை நிகழ்ச்சிகள், பேச்சுப்போட்டி, கட்டுரை போட்டி மற்றும் பல விழிப்புணர்வு போட்டிகள் நடைபெறும்.
இதன் மூலம் தேசிய ஒருமைப்பாடு குறித்து மாணவர்களுக்கு தெரியப்படுத்தப்படும். மேலும் அரசு துறைகளான தபால் அலுவலகங்கள், ரயில்வே நிலையங்கள், காவல் நிலையங்கள் உள்ளிட்ட மக்கள் கூடும் பொது இடங்களிலும் இந்நாள் குறித்து பொதுமக்களுக்கு விழிப்புணர்வு ஏற்படுத்தப்படும். மேலும் பல இடங்களில் தேசிய ஒருமைப்பாடு குறித்து பட்டிமன்றங்களும் நடைபெறும். அது மட்டுமல்லாமல் அரசு ஊழியர்களும் தன்னர்வலர்களும் மாரத்தான் மூலம் தேசிய ஒருமைப்பாடு குறித்து பொதுமக்களுக்கு விழிப்புணர்வை ஏற்படுத்துவார்கள்.