நயன்தாரா நடிப்பில் வெளியாகவுள்ள நெற்றிக்கண் திரைப்படம் ஓடிடி-யில் கோடிக்கணக்கில் விலை போனதாக தகவல் வெளியாகியுள்ளது.
இதுவரை தமிழில் நயன்தாரா நடித்த பல திரில்லர் படங்கள் மக்கள் மத்தியில் பெரும் வரவேற்பை பெற்றுள்ளது. அந்த வகையில் தற்போது நயன்தாரா நடிப்பில் திரில்லர் திரைப்படம் ஒன்று மீண்டும் வெளியாக உள்ளது. அதாவது மிலிண்ட் ராவ் இயக்கத்தில் நயன்தாரா நடிப்பில் உருவாகியுள்ள “நெற்றிக்கண்” திரைப்படம் ஹாட் ஸ்டார் ஓடிடி-யில் நேரடியாக வெளியாக உள்ளது.
இந்த படத்தை நயன்தாரா மற்றும் இயக்குனர் விக்னேஷ் சிவன் ஆகிய இருவரும் இணைந்து தயாரித்துள்ளனர். மேலும் நெற்றிக்கண் திரைப்படத்தின் டிரைலர் சமீபத்தில் வெளியாகி மக்களிடையே பெரும் வரவேற்பை பெற்றது. இந்த நிலையில் ஓடிடி-யில் சுமார் 18 கோடி வரை இந்த படம் விலை போயுள்ளதாக தகவல் தெரிவிக்கப்பட்டுள்ளது. ஏற்கனவே நயன்தாராவின் மூக்குத்தி அம்மன் திரைப்படம் ரூ. 25 கோடிக்கு விலை போனது குறிப்பிடத்தக்கது ஆகும்.