சென்னையை சேர்ந்த மருத்துவரின் மகன் உதித்சூர்யா மஹாராஷ்டிராவில் ஆள்மாறாட்டம் செய்து நீட் தேர்வில் தேர்ச்சி பெற்று தேனி அரசு மருத்துவ கல்லூரியில் சேர்ந்தது பெரும் பரபரப்பை ஏற்படுத்தியது. இது குறித்து தேனி பல்கலைக்கழக டீனுக்கு வந்த EMAIL மூலமாக இந்த விவகாரம் வெளிச்சத்துக்கு வந்தது.இது குறித்த விசாரணை நடக்கும் போதே மாணவன் உதித்சூர்யா கல்லூரியை விட்டு நிற்பதாக எழுதி கொடுத்ததாக தெரிகின்றது.
மேலும் தேனி மருத்துவக் கல்லுரி டீனும் இது குறித்து அறிக்கை , விசாரணை உட்பட அவங்களை வைத்து போலீஸ் புகார் செய்தார். இதையடுத்து ஆள்மாறாட்டம் தொடர்பாக 2 பேர் மீது வழக்கு பதிவு செய்த காவல்துறை உதித்சூர்யா_வை கைது செய்ய தனிப்படை அமைத்தது. இந்நிலையில் உதித்தசூர்யா_வை தேடி நேற்று சென்னை வந்த தனிப்படை தண்டையார் பேட்டையில் உள்ள மாணவர் உதித் சூர்யா வீட்டில் யாரும் இருக்கின்றார்களா என்று விசாரித்தனர். மேலும் அக்கம் பக்கத்தினரிடமும் , எங்கு பெற்றார்கள் என்று விசாரணை மேற்கொண்டனர்.
இரண்டாவது நாளாக விசாரணையை மேற்கொள்ளும் தனிப்படை இன்று சென்னை ஸ்டான்லி அரசு மருத்துவமனைக்கு நேரடியாக சென்று விசாரணை மேற்கொள்கின்றது. மாணவன் உதித் சூர்யாவின் தந்தை வெங்கடேசன் ஸ்டான்லி மருத்துவமனையில் பணிபுரிவதாக தகவல்கள் கிடைத்ததை தொடர்ந்து விசாரணையை மேற்கொண்டனர். வெங்கடேசன் எப்போது வந்தார் , எங்கு சென்றார் போன்ற விசாரணையை காது , மூக்கு , தொடை மருத்துவ பிரிவில் தனிப்படை போலீசார் கேட்டறிந்தனர்.