தீபாவளிக்கு ஒரு வாரம் உள்ள நிலையில் சிவகாசியில் பட்டாசு விற்பனை அதிகரித்துள்ளது.
தமிழகத்தில் தீபாவளிக்கு ஒரு வாரம் உள்ள நிலையில் சிவகாசியில் பட்டாசு விற்பனை விறுவிறுப்பு அடைந்துள்ளது. தீபாவளி நெருங்கியதால் தமிழக மக்கள் பட்டாசு வெடிப்பதற்காக தயாராகிவிட்டனர் . இந்நிலையில் சிவகாசியில் பட்டாசு கடைகளில் பட்டாசு விற்கும் பணி தீவிரமாக நடைபெற்று வருகிறது. கொரோனா ஊரடங்கு காரணமாக கடந்த சில நாட்களாக சிவகாசி சுற்றுவட்டாரத்தில் பட்டாசு உற்பத்திக்கு ஏற்ற காலநிலை இல்லாததால் 50% உற்பத்தி பாதிக்கப்பட்டுள்ளது.
ஆனாலும் வாடிக்கையாளர்களின் விருப்பத்திற்கு ஏற்றவாறு பல வகையான பட்டாசுகள் விற்பனை செய்யப்பட்டு வருகின்றன. மேலும் கோவை மற்றும் தஞ்சாவூர் போன்ற பல மாவட்டங்களில் இருந்து பட்டாசு வாங்குவதற்காக சிவகாசிக்கு வருகின்றனர். இந்த ஒரு வாரத்தில் பட்டாசு உற்பத்தி அதிகரிப்பதற்கு ஏற்ப விற்பனையும் அதிகரித்தால் மகிழ்ச்சி தரும் தீபாவளி ஆக இருக்கும் என்று பட்டாசு உற்பத்தியாளர்கள் தெரிவித்துள்ளனர்.