கடந்த டிசம்பர் மாதம் சீனாவின் வுகான் மாகாணத்தில் பரவத் தொடங்கிய கொரோனா வைரஸ் இன்று உலகம் முழுவதும் 210க்கும் மேற்பட்ட நாடுகளின் பரவி பாதிப்பை ஏற்படுத்தி வருகிறது. உலக வல்லரசு நாடான அமெரிக்கா கொரோனாவின் பிடியில் சிக்கி உள்ளது. அங்கு 2,089,701 பேருக்கு கொரோனா தொற்று உறுதி செய்யப்பட்டு 116,034 பேர் உயிரிழந்துள்ளனர். ஐரோப்பிய நாடுகளையும் கொரோனா விட்டுவைக்கவில்லை. ரஷ்யா,UK ,ஸ்பெயின், இத்தாலி, ஜெர்மனி, பிரான்ஸ், கொரோனாவால் கதிகலங்கி போய்யுள்ளன.
உலகம் முழுவதும் 75,97,430 பேர் கொரோனாவால் பாதிக்கப்பட்டயுள்ள நிலையில் 4,23,846 பேர் உயிரிழந்துள்ளனர். கொரோனா பாதித்து சிகிச்சை பெற்று வந்த 38,42,166 பேர். குணமடைந்து வீடு திரும்பியுள்ள நிலையில் 33,31, 418 பேர் மருத்துவமனையில் சிகிச்சை பெற்று வருகின்றன. 53,906 பேர் இக்கட்டான நிலையில் சிகிச்சை பெற்று வருகின்றன.
உலகளவில் இதுவரை இல்லாத அளவாக நேற்று ஒரே நாளில் அதிக கொரோனா தொற்று பதிவாகியுள்ளது உலக நாடுகளை அதிர்ச்சியடைய வைத்துள்ளது. நேற்று ஒரே நாளில் மட்டும் 1,36,757 பேருக்கு கொரோனா தொற்று உறுதிசெய்யப்பட்டுள்ளது. அதிகபட்சமாக பிரேசில் நாட்டில் 30, 465 பேரும் அமெரிக்காவில் 23,300 பேரும் இந்தியாவில் 11,128 பேரும் ரஷ்யாவின் 8, 779 பேரும் கொரோனாவால் பாதிக்கப்பட்டுள்ளன. ஒரே நாளில் 1,30,000த்திற்கும் அதிகமானோர் கொரோனாவால் பாதிக்கப்பட்டாலும் 1,05000 பேர் குணமடைந்து வீடு திரும்பியது புதிய நம்பிக்கையை ஏற்படுத்தியுள்ளது. உலகளவில் கடந்த இரண்டு நாளில் மட்டும் 2, 723,35 பேர் கொரோனாவால் பாதிக்கப்பட்டுள்ளது குறிப்பிடத்தக்கது.