நேட்டோ அமைப்பானது, ரஷ்யாவை எதிர்த்து போர் தொடுக்க உக்ரைன் நாட்டிற்கு ராணுவ உதவி அளிப்பதாக தெரிவித்துள்ளது.
உக்ரைன் நாட்டின் மீது ரஷ்யா 75 நாட்களை தாண்டி போர் தொடுத்துக் கொண்டிருக்கிறது. உக்ரைன் படைகளும், இதற்கு தகுந்த பதிலடி கொடுக்கிறது. இதனால், ரஷ்ய படைகள் வெற்றி பெறுவதில் சிரமம் ஏற்பட்டிருக்கிறது. உக்ரைன் நாட்டிற்கு அமெரிக்கா போன்ற பல நாடுகளும் பொருளாதார உதவியும் இராணுவ உதவியும் வழங்கி வருகின்றன.
இந்நிலையில் ரஷ்ய நாட்டை எதிர்த்து தொடர்ந்து போரிடுவதற்கு ராணுவ உதவி அளிக்கப்படும் என்று நேட்டோ அமைப்பு கூறியிருக்கிறது. இது குறித்து நேட்டோ, அமைப்பினுடைய தலைவரான ஜென்ஸ் ஸ்டோல்டன்பெர்க் தெரிவித்ததாவது, உக்ரைன் படையினர் தங்களின் தாய்நாட்டை காப்பதற்கு துணிச்சலுடன் போரிட்டுக் கொண்டிருக்கிறார்கள். இந்த போரில் உக்ரைனால் வெற்றியடைய முடியும் என்று கூறியிருக்கிறார்.