விஜய் நடிப்பில் வெளியான ‘மாஸ்டர்’ திரைப்படத்தின் ‘வாத்தி கம்மிங்’ பாடல் புதிய சாதனை படைத்துள்ளது.
லோகேஷ் கனகராஜ் இயக்கத்தில் முன்னணி நடிகர்கள் விஜய் மற்றும் விஜய் சேதுபதி நடிப்பில் வெளியாகி பிளாக் ஹிட்டான திரைப்படம் ‘மாஸ்டர்’. இப்படத்தில் விஜய்க்கு ஜோடியாக நடிகை மாளவிகா மோகனன் நடித்திருந்தார். மேலும் அனிருத் இப்படத்திற்கு இசையமைத்திருந்தார். இப்படத்தில் இடம்பெற்றுள்ள ‘வாத்தி கம்மிங்’ பாடல் இன்றும் பல சாதனைகளைப் புரிந்து வருகிறது.
அந்த வகையில் வாத்தி கம்மிங் பாடல் வீடியோ யூடியூபில் 150 மில்லியன் பார்வையாளர்களை கடந்து புதிய சாதனை படைத்துள்ளது. இதனை விஜய் ரசிகர்கள் கொண்டாடி வருகின்றனர். மேலும், விஜய் நடிப்பில் வெளியான மொத்த படங்களில் 150 மில்லியன் பார்வையாளர்களை எட்டிய முதல் வீடியோ பாடல் என்ற சாதனையையும் ‘வாத்தி கம்மிங்’ பாடல் படைத்திருப்பது குறிப்பிடத்தக்கது.