புதிய வகை கொரோனா வைரஸ் தொடர்பாக பிரதமர் நரேந்திர மோடி தலைமையில் உயர்மட்ட குழு கூட்டமானது இன்றைய தினம் நடைபெற்றது. இந்த கூட்டத்தில் நாட்டில் நிலவக்கூடிய தற்போதைய கொரோனா சூழல் மற்றும் எடுக்கப்பட வேண்டிய முன்னெச்சரிக்கை நடவடிக்கைகள் தொடர்பாக இந்த கூட்டத்தில் விவாதிக்கப்பட்டது. இந்த கூட்டத்தில் எடுத்திருக்கக்கூடிய முடிவுகளின் அடிப்படையில், பல்வேறு அறிவுரைகளை பிரதமர் மோடி வெளியிட்டு இருக்கிறார்.
முக்கியமாக மருத்துவமனைகள் தயார் நிலையில் இருப்பதை மாநிலங்கள் உறுதி செய்ய வேண்டும் எனவும், கொரோனா பரிசோதனைகளை அதிகரிக்க படுத்த வேண்டும் எனவும் மற்றும் முக கவசம் அணிய வேண்டும் ஆகிய மூன்று முக்கியமான உத்தரவுகள் இந்த கூட்டத்தில் தெரிவிக்கப்பட்டிருக்கின்றது. ஏற்கனவே சுகாதாரத்துறை அமைச்சர் தலைமையில் நேற்றைய தினம் ஒரு ஆலோசனை கூட்டம் நடைபெற்ற நிலையில், இன்றைய கூட்டத்திலும் இந்த முக்கிய முடிவுகள் எடுக்கப்பட்டு, மாநில அரசுகளுக்கும், பொதுமக்களுக்கும் உத்தரவுகளாக பிறப்பிக்கப்பட்டு இருக்கிறது.