வெற்றிமாறன் புதிய வெப் தொடரை இயக்க இருப்பதாக தகவல் வெளியாகியுள்ளது.
தமிழ் திரையுலகில் பிரபல இயக்குனராக வலம் வருபவர் வெற்றிமாறன். இவர் இயக்கத்தில் விடுதலை திரைப்படம் உருவாகி வருகிறது. இதனையடுத்து, இவர் சூர்யா நடிக்கும் வாடிவாசல் திரைப்படத்தை இயக்கவுள்ளார். அதன் பிறகு அடுத்தடுத்த படங்கள் இவர் இயக்க இருப்பதாக செய்திகள் வெளியாகி வருகின்றன.
இந்நிலையில், இவர் விடுதலை படத்தை முடித்த கையோடு புதிய வெப் தொடரை இயக்க இருப்பதாக தகவல் வெளியாகியுள்ளது. மேலும், நடிகர் ஆண்டனியை வைத்து இவர் வெப் தொடரை இயக்க இருப்பதாகவும் கூறப்படுகிறது. விரைவில் இதுகுறித்து அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.