அமெரிக்க அதிபர் தேர்தலில் குடியரசுக் கட்சி வேட்பாளராக ட்ரம்ப் அதிகாரப்பூர்வமாக அறிவிக்கப்பட்டுள்ளார்.
சென்ற வாரம் நடைபெற்ற ஜனநாயகக் கட்சி மாநாட்டில் ஜோ பிடனை வேட்பாளராக அக்கட்சி அதிகாரப்பூர்வமாக அறிவித்தது.இந்த நிலையில் வட கரோலினாவின் சார்லோட் நகரில் நடைபெற்ற குடியரசுக் கட்சி மாநாட்டில் டொனால்ட் டிரம்பை அதிபர் வேட்பாளராகவும், மைக் பென்சை துணை அதிபர் வேட்பாளராகவும் அதிகாரப்பூர்வமாக அறிவித்தனர். அந்த மாநாட்டில் பேசிய அதிபர் டிரம்ப், “நான் மேலும் 4 ஆண்டுகள் அதிபராக இருப்பது உறுதி” என்று அவர் கர்வத்துடன் கூறினார்.
மேலும் அந்த மாநாட்டில், நாடு முழுவதும் சட்டம் ஒழுங்கு, துப்பாக்கிக்கான உரிமைகள், வரி குறைப்புகள் மற்றும் பெண்களுக்கு முக்கியத்துவம் பற்றி பரப்புரை மேற்கொள்வதென விவாதிக்கப்பட்டதாகக் கூறப்படுகிறது. ட்ரம்பின் அதிரடித் திட்டங்களில் ஒன்றான 10 மாதங்களில் 10 மில்லியன் வேலை வாய்ப்புகளை உருவாக்குவோம் என்ற பரப்புரையை தீவிரமாக முன்னெடுத்துச் செல்வேன் என்றும் தீர்மானம் எடுக்கப்பட்டது.