தடையை மீறி பணம் வைத்து சூதாடிய 7 பேரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள ஆறுமுகநேரி காட்டுப்பகுதியில் பணம் வைத்து சீட்டு விளையாடுகிறார்கள் என்று காவல்துறையினருக்கு ரகசிய தகவல் கிடைத்துள்ளது. அந்த தகவலின் படி காவல்துறையினர் அப்பகுதிக்கு விரைந்து சென்ற போது அங்கு 7 பேர் பணம் வைத்து சீட்டு விளையாடிக் கொண்டிருந்ததை பார்த்து அவர்களை கையும், களவுமாக பிடித்து விட்டனர்.
இதனையடுத்து காவல்துறையினர் அவர்களிடம் நடத்திய விசாரணையில் அவர்கள் அதே பகுதியில் வசிக்கும் முத்துமாலை, லிங்க துரை, முத்துலிங்கம், சின்னதுரை, முத்துராமலிங்கம், இளையபெருமாள், என்பது தெரியவந்துள்ளது. அதன் பிறகு காவல் துறையினர் அவர்கள் சூதாடியதற்கு பயன்படுத்திய சீட்டு கட்டுகள் மற்றும் பணத்தை பறிமுதல் செய்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் தடையை மீறி பணம் வைத்து சூதாடிய குற்றத்திற்காக அவர்களை கைது செய்து தீவிர விசாரணை மேற்கொண்டு வருகின்றனர்.