ஜெர்மனி அணி கால்பந்து போட்டியில் தோல்வியடைந்ததை தாங்கமுடியாமால் மைதானத்தில் வைத்து கண்ணீர் விட்டு கதறி அழுத சிறுமிக்கு இங்கிலாந்தைச் சேர்ந்த ஒருவர் ஆன்லைனில் சுமார் 29 லட்சம் ரூபாயை நிதியாக திரட்டியுள்ளார்.
இங்கிலாந்தில் நடைபெற்ற யூரோ கால்பந்து போட்டியில் ஜெர்மனி அணி தோல்வியை தழுவியுள்ளது. இந்த போட்டியை காண வந்த சிறுமி, ஜெர்மனி தோல்வியடைந்ததை தாங்கமுடியாமல் மைதானத்தில் வைத்து கண்ணீர் விட்டு கதறி அழுதுள்ளார்.
இந்த புகைப்படம் சமூக வலைத்தளத்தில் வைரலாக பரவிய நிலையில் இங்கிலாந்து பொதுமக்கள் பலரும் தங்களுடைய கருத்தை இணையத்தளத்தில் பதிவிட ஆரம்பித்துள்ளார்கள். இந்நிலையில் இங்கிலாந்தைச் சேர்ந்த ஒருவர் அந்த சிறுமிக்காக ஆன்லைனில் நிதியைத் திரட்டுவதற்கு முடிவு செய்துள்ளார்.
அதன்படி சுமார் 29 லட்சம் ரூபாய் அந்த சிறுமிக்காக நிதியாக திரட்டப்பட்டுள்ளது. இதுகுறித்து இங்கிலாந்தைச் சேர்ந்தவர் கூறியதாவது, இங்கிலாந்தில் இருக்கும் அனைவரும் மோசமானவர்கள் அல்ல என்பதை அந்த சிறுமி தெரிந்து கொள்வதற்கு இந்த நிதியுதவி வழிவகை செய்யும் என்றுள்ளார்.