அயர்லாந்து நாட்டினுடைய முதல் மந்திரி டேவிட் டிரிம்பிள் காலமானதாக தெரிவிக்கப்பட்டுள்ளது.
அயர்லாந்து தலைவர் டேவிட் டிரிம்பிள் அமைதிக்கான நோபல் பரிசு வென்றவர். 77 வயதான இவர் நேற்று காலமானதாக அவரின் குடும்பத்தினர் தகவல் வெளியிட்டுள்ளனர். இவர் புனித வெள்ளிக்கான ஒப்பந்தம் நடப்பதற்கு காரணமாக இருந்த சிற்பி என்று போற்றப்படுகிறார்.
அவர் மேற்கொண்ட கடும் முயற்சிகளினால் கடந்த 1998ம் வருடம் பெல்பாஸ்ட் ஒப்பந்தம் நிறைவேற்றப்பட்டது. அந்த பகுதியில் 30 வருடங்களாக நடந்த செக்டேரியன் கலவரத்தில் சுமார் 3,500 மக்கள் உயிரிழந்தனர்.
அந்த வன்முறையை முடித்து அமைதியை நிலைநாட்ட அவர் செய்த நடவடிக்கைகளுக்காக, 1998 ஆம் வருடத்தில் அவருக்கு அமைதிக்கான நோபல் பரிசு அளித்து கௌரவித்தனர் என்பது குறிப்பிடத்தக்கது.