இனி எல்லாமே முடிஞ்சுது…! ”தோல்வியை தழுவும் ட்ரம்ப்” புதிய அதிபராகும் ஜோ பைடன் ….!!

அமெரிக்காவின் புதிய அதிபராக ஜோ பைடன் தேர்வு செய்யப்படுவது தற்போதைய முடிவுகள் மூலம் உறுதி செய்யப்பட்டுள்ளது.

உலகமே உற்று நோக்கும் அமெரிக்க அதிபர் தேர்தல் முடிவுகள் காலை முதல் வெளியாகிக் கொண்டு இருக்கின்றன. அதிபர் வேட்பாளர்களான ஜோ பைடன் , டிரம்ப் இடையே கடுமையான போட்டி நிலவி வருகின்றது. தற்போது வரை முடிவுகள் அறிவிக்கப்பட்டதில் ஜோ பைடனே முன்னிலை வகிக்கின்றார். ஜோ பைடன் 238 தேர்தல் சபை வாக்குகளையும், டிரம்ப் 213 தேர்தல் சபை வாக்குகளையும் பெற்றுள்ளனர். 270 தேர்தல் சபை வாக்குகளை பெறுபவர் அமெரிக்க புதிய அதிபராக அறிவிக்கப்படுவார்.

மதியத்தில் இருந்து தபால் வாக்குகள் எண்ணப்பட்டு வருவதால் முடிவுகள் வர தாமதம் ஆகியுள்ளது. பென்சில்வேனியா, விஸ்கான்சின், மிச்சிகன் இந்த 3 மாகாணங்களில் மட்டும் 46தேர்தல் சபை வாக்குகள் உள்ளன. இந்த மூன்று மாகாணங்களிலுமே தேர்தல் முடிவுகளை தீர்மானிக்கின்றன. இந்த மூன்று மாகாணத்திலும் டிரம்ப் முன்னிலை வகுத்தாலும் தபால் வாக்கு எண்ணிக்கையில் ஜோ பைடன் முந்துவார் என தகவல் வந்தன. அதே நேரத்தில் டிரம்ப் வெற்றி பெறவும், தோல்வி அடையவும் வாய்ப்பு இருப்பதால் வாக்கு எண்ணிக்கையில் மோசடி நடந்துள்ளது எனவே நீதிமன்றத்தை நாடுவேன் என டிரம்ப் அறிவித்தார்.

இந்த நிலையில் டிரம்ப் எதிர்பார்த்தது படியே தபால் வாக்குகள் ஜோ பைடனுக்கு கைகொடுத்துள்ளது. இதனால் டிரம்ப் தோல்வி அடைவது உறுதியாகியுள்ளது. தற்போது வரை ஜோ பைடன் வெற்றி பெற்றது, முன்னிலையை சேர்த்தால் அவருக்கு தேவையான 270 தேர்தல் சபை வாக்குகள் வந்து விடுகின்றன. இதனால் ஜோ பைடன் அமெரிக்காவின் புதிய அதிபராக தேர்வாக வாய்ப்புள்ளது.

தற்போதைய நிலையில் அதிபர் டொனால்ட் டிரம்ப் 213 தேர்தல் சபை வாக்குகளை பெற்றுள்ளார். அவர் முன்னிலையில் இருக்கும் 4 மாகாணங்களின் தேர்தல் சபை வாக்குகளை கூட்டினால் 54 கூடுதலாக பெற்று 267 தேர்தல் சபை வாக்குகளை பெறுவார். அதே நேரத்தில் ஜோ பைடன் தற்போதைய நிலையில் 238தேர்தல் சபை வாக்குகளை பெற்றுள்ளார். அவர் முன்னிலையில் இருக்கும் 3 மாகாணத்தின் தேர்தல் சபை வாக்குகளை கூட்டினால் 32 கூடுதலாக பெற்று சரியாக 270 தேர்தல் சபை வாக்குகளை பெற்று அதிபராக தேர்வு செய்யப்படுவார்.

டிரம்ப் முன்னிலை வகிக்கும் மாகாணம்:

அலாஸ்கா:

3தேர்தல் சபையை கொண்ட அலாஸ்கா வில் 45% வாக்கு முடிவுகள் அறிவிக்கப்பட்டதில் டிரம்ப் 62.9%, ஜோ பிடன் 33% வாக்குகளும் பெற்றுள்ளனர்.

ஜார்ஜியா:

16தேர்தல் சபையை கொண்ட ஜார்ஜியா வில் 94% வாக்கு முடிவுகள் அறிவிக்கப்பட்டதால் டிரம்ப் 50.5%, ஜோ பிடன் 48.3% வாக்குகளும் பெற்றுள்ளனர்.

நார்த் கரோலினா:

15தேர்தல் சபையை கொண்ட நார்த் கரோலினா வில் 94% வாக்கு முடிவுகள் அறிவிக்கப்பட்டதால் டிரம்ப் 50.1%, ஜோ பிடன் 48.7% வாக்குகளும் பெற்றுள்ளனர்.

பென்சில்வேனியா:

20தேர்தல் சபையை கொண்ட பென்சில்வேனியா  வில் 64% வாக்கு முடிவுகள் அறிவிக்கப்பட்டதால் டிரம்ப் 54 %, ஜோ பிடன் 49.9% வாக்குகளும் பெற்றுள்ளனர்.

ஜோ பிடன் முன்னிலை வகிக்கும் மாகாணம்:

நெவாடா:

6தேர்தல் சபையை கொண்ட நெவாடா வில் 67% வாக்கு முடிவுகள் அறிவிக்கப்பட்டதில் டிரம்ப் 48.6%, ஜோ பிடன் 49.2 வாக்குகளும் பெற்றுள்ளனர்.

விஸ்கான்சின்:

10தேர்தல் சபையை கொண்ட விஸ்கான்சின் 95% வாக்கு முடிவுகள் அறிவிக்கப்பட்டதால் டிரம்ப் 48.9%, ஜோ பிடன் 49.6% வாக்குகளும் பெற்றுள்ளனர்.

மிச்சிகன்:

16தேர்தல் சபையை கொண்ட மிச்சிகன் னில் 96% வாக்கு முடிவுகள் அறிவிக்கப்பட்டதால் டிரம்ப் 48.9% , ஜோ பிடன் 49.5% வாக்குகளும் பெற்றுள்ளனர்.